February 28, 2010 archive

貓大人去寄宿

擾擾攘攘,終於到二月尾,雖然好唔捨得,還是要將阿哥阿妹放去愛協寄宿半個月。 今次外遊,是養貓之後第一次,心情忐忑。上策是有人上門執屎餵貓俾貓玩;中策是到友人家寄住,至少在途中可電話聯絡、WebCam看看近況;下策是到Cat Hotal等地住。第一,找不到人上門,鐘點亦信不過;第二,MO仔惡聲惡氣,住不得;M主動招攬,無奈他家有四──隻──狗,安全堪虞;最後一個,實在是下下之選,奈何前兩個方案都夭折了,惟有死死氣去找貓酒店,上周去愛協實地觀察,與妻都覺得是最壞情況中的最好選擇。 不知是否有靈性,又抑或是上次被MO仔嚇到,今朝兩位貓大人都掙扎不肯入袋。去到愛協,看完針紙正本,再填問卷,肯定沒有隱疾,便可以boarding,首先揀房(籠),然後逐一磅重。阿哥由上次1月2日的2.2Kg,加磅到今日的3.24Kg,而阿妹則由1.7Kg加到2.22Kg。 初來埗到,自然緊張,阿妹更嚇到不甚肯讓我摸,而阿哥不時頂我頭搥。磋跎再磋跎,最後還是要走,見到他們望住我哋走,心都實埋,希望他們唔好以為我唔要佢哋。返到家見到他們的飯碗水兜,立即鼻酸酸、眼濕濕,無哂心機執背囊,晚飯只係食咗半碗飯。 一想起還有兩個星期都見唔到阿哥阿妹,真係無乜心機去旅行。