這是第二張熊貓基地的360VR(←←←有嘢睇呀),拍攝地點是基地正門。 若論外觀,碧峰峽無疑較核桃坪靚,僅是正門已贏幾條街,但主觀覺得還是舊的好,至少門口的河,臥龍澎湃得多。 在核桃坪及碧峰峽基地外,都有地方進餐,碧峰峽的我無試過,只是見到食肆外有竹椅,可以坐下慢慢歎茶,至於有冇得住就不清楚。而核桃坪的住宿,一言以蔽之,貴!膳食就普普通通,貪其近熊貓基地。 而家再睇,當日去碧峰峽熊貓基地都是太匆匆忙忙,急着回成都,應該坐低飲杯茶食碗飯,望多兩眼才打道回府。
Tag: VR Photography
Jul 21
轉呀轉,睇碧峰峽熊貓基地
Jun 07
轉呀轉,睇民女
May 27
轉呀轉,睇十字架
May 20
轉呀轉,睇包山
早幾日放假,入長洲影包山。包山影過好幾次,今趟是入去玩360VR,想看看全景的包山是甚麼模樣。 今次的成績(←←←有嘢睇呀!)好一點,執地下那一張效果比之前有進步,但是合併後卻有穿崩,所以要用兩個水印遮醜(水印又要麻煩AL,THX)。 為了避開人潮及遷就自己假期,揀了一個閒日去長洲,怎知世間閒人如我者是如此多,與正日比較當然是少,但閒日卻已非同凡響,所以在碼頭人潮中等上船時聽到有人問點解咁多閒人時好認同。 入鄉隨俗,長洲此段時間要食齋,一碗羅漢齋河17元,不過不失。當然要應節食個平安包,劃一價6元,而且全長洲所有舖頭都有平安包賣,我就幫襯開郭錦記,今年老闆搞搞新意思,整了一個六個包紙盒裝,40元就有交易,還有環保織袋送,見不少遊人一袋袋滿載而歸。 太平清醮愈辦愈有氣氛,相對地商業味愈濃,有得有失,算是假期中一個節目吧!不過,俾我揀,我不會今個禮拜入長洲,未鬼迫過咩!
May 18
VR Panoramas
這個新玩意束之高閣近一年,近日終於「的」起心肝執相,這是第一份功課←←←有嘢睇呀。 看Google Earth時見到一些紅底白字「360」,Click入去是一幅全景圖,不只是水平的,而是一個720度的全景圖,覺得勁有趣兼好靚,當中伊朗伊斯法罕的藍色清真寺靚到好似身在其中。於是上網找資料,發覺我只欠一個硬件。 影相當然要相機,用甚麼鏡頭不太重要,如果愈是廣角,要拍的相便不會太多,我用Fisheye,所以水平只要拍6張便足夠。硬件最重要是個雲台,有人話可以自做人肉雲台,但我覺得還是簡單一點好,方便後期工序。其實影不是問題,反而後期工序功夫多,摸索了一輪,最難是影地那一張,初接觸時第一個問題是點解唔見咗個腳架呢,這就是VR Panoramas有趣的地方之一,我發覺自己要苦學PhotoShop,不是造VR Panoramas的軟件。 只要仔細睇(按”Ctrl”是縮細,”Shift”是放大),巴士唔見咗車尾,而地下的接駁位穿崩了,這是執走腳架的反遺症,看到前輩的作品,真是汗顏。
Recent Comments