Tag Archive: 仙人掌

Apr 14

仙人掌

每次逛花墟時,見到一些仙人掌都好靚,忍了一年,終於買了幾棵回來試種。 家中的盆裁常不長命,即使是好硬淨的鐵樹都只是一年多就重歸黃土,其他有花的更是短命。比較長命的是萬年青及一盆不知命的小草,其次的就是缸內的水草了。為了養仙人掌,去書局買書刨,見到這本《懶人必種的50種仙人掌》,真的獲益良多。 仙人掌不貴,上圖右一及右二只是10元,左一算最貴,亦不過是28元,左二最大,20元。反而個玻璃盆貴一點,75元,而星巴克熊貓Mug則是自己用的,無價!其實種花養草,植物本身不會太貴,反而是最耗精神,要花好多功夫去照料。 花舖話轉盆時毋須剷去舊泥,但睇書話要剷的,而我依書直做,現在已過了十多日,唔知我有冇做錯?另,我家坐北向南,好處是不怕西斜,但對種花好似不太有利,至少種仙人掌就有問題,無乜日照,結果我好似傻佬咁每日只要有時間又日光充沛,就會攞兩盆仙人掌落樓曬,有點似啲阿伯攞籠雀去曬一樣,唉! 另一個大問題是,有冇人可以答我,我的仙人掌叫乜名?