荃灣踩入屯門元朗

昨日放假,巧合車會有活動,二話不說,將飯局從自家煮變為出街食,最重要是丟低老婆,踩足一日。

八點九在荃灣西站集合,等齊人影完大合照後,九點九出車。首段路是在青山公路,今次是踩單車後,首次踩有咁多車的馬路,上次踩汀角路入鹿頸因為是閒日,車甚少,更無乜大型車,但青山公路不時有巴士在身邊駛過,若是僅自己一個上路,一定無膽咁玩。因為車會有三十多人出車,所以其他車都會讓三分,甚至有一段路有幾個交警幫我哋開路。青山公路有起有伏,慢慢踩,風光好,約一個鐘便入到屯門三聖邨。

之後的路,全無印象,怎樣轉怎樣走,全是跟人,回家後看GPS Logger的資料才知自己怎樣從屯門走入元朗,再去錦上路站,然後入林村看樹屋,再上粉錦公路、荃錦公路,爬上一條稍斜的路,在解放軍軍營附近的雷公田食燉奶,再滑落荃錦公路,經錦上路回錦上路站,當時已經六點左右。整個行程約需八個半鐘,但真正踩的只有五個鐘,其他時間是等人食飯食甜品,所以踩62.5公里都唔係太辛苦。

今次跟車會玩,有幾大得着:一、去到一些自己唔識去、唔敢去的地方,大開眼界;二、膽子大了,在香港有些地方,無可避免要踩上馬路,第一次有大班人陪,可以慢慢改善技術;三、踩足一日,令架車踩得更加順,更習慣個新座墊。

希望下次車會能夠放假,再去開心過,而妻的Dream Bike快啲有貨。咁到時唔駛有車聚,兩公婆都可以自己去踩。

2 comments

    • on October 2, 2010 at 9:40 pm

    嘩,勁!有空都想試試!
    另我的blog被迫遷,新地址是c945096.wordpress.com

    • Greg on October 8, 2010 at 1:18 am
      Author

    有空一齊出車踩鑊金。

Leave a Reply

Your email address will not be published.

This site uses Akismet to reduce spam. Learn how your comment data is processed.