彳 山 亍 水

我認，我認我懶，上個月竟然只寫了一篇，我懶到不想找藉口。其實又唔算太懶，至少睇咗五本書，只是懶得寫而已。 我認，我認我敗家，忍唔住手買咗部單車，而且仲幾貴，肉赤。 點解買單車，真係唔知點講，妻笑笑口推介我看這個專欄（＜＝＝這個Link好怪，在Firefox睇唔到，要用IE，歧視狐狸）。中年危機嘛？不只是我有，史力加、飛天紅豬俠都有喇，有乜出奇。我估做人有時要不按理出牌，或者生活會更有趣。 網上有不少同道，很多人敗得更誇，但我的要求是啱用，因為計劃是踩返工用的，不要嘩嘩聲，今日試車兼踩線，不須一個鐘就得，比我估計快，路程應該不是問題，我反而擔心凌晨三點的吐露港單車徑是甚麼模樣，最後一段大斜路是否搞得掂（今日試車發覺可以一次過踩上去，嘩！好開心，估唔到架車咁掂＜＝＝唔係我掂，自己體能一向差）。一日花兩個多鐘在單車上，生活有乜變化，拭目以待。 有人用Birdy去台灣環島遊，聽落好有趣。