«

»

Jul 13

我被芦田愛菜「萌」倒了

笑語盈盈的愛菜,比淚眼汪汪更殺死人。

何之謂「萌」?不知道,於是上網找資料,維基的解釋故然詳盡,但我更愛偽基搞笑的認真。如果「萌」太新潮,可借用妻一句話:我中毒了。

一切源自《Mother》這齣日劇,最初看是因為兩個叫「田中」名字,一個是田中芳樹,一個是田中裕子。前者似是《銀河英雄傳說》的作者,以為他撈多瓣,後來查證應是同名不同人;後者的「阿信」,蟄伏多年,戲路更是不慍不火,與做松雪泰子養母的高畑淳子的對手戲極有戲味。反而覺得松雪泰子有點過火,可能劇本中的假設不能說服我──突然澎湃的母性引起的拐帶好難理解,不過若是要拐帶芦田愛菜這個小妹丁,呵呵呵,我拍心口二話不說,有咁快得咁快誘而拐之,仲要有咁遠走咁遠,唔好俾人搵到,要12年唔見,掛都掛死喇!

日本當地傳媒以「天才」形容愛菜妹妹,不知日語的天才是否與中文一樣。她真的是天才,拍《Mother》時不足六歲,播結局那一日(6月23日)才是她六歲生日,故當日被電視台稱為愛菜日,上面的圖片是其中一個宣傳,當中的機械人操真攞命,勁可愛!

愛菜的天才在其演技,真的,一個不足六歲的女娃演技好過好多好多香港所謂明星,以第一集苫小牧市Utonai湖一幕()為例,愛菜的眼淚要流就可以流,這還不算犀利,最利害的是從笑到喊的心理變化,拿捏極之準確,好似第10集尾這一段電話訴衷情,第11集大結局更是催淚彈大賤賣,保證炸到你喊為止,愛菜妹妹極稱職,表現自然不老積,睇完整齣戲真的想唔到她只是5歲多一點。

這條片可以見到愛菜的試鏡(大約在第1分鐘),之後還有她接受訪問的趣怪表現,好似問到她點解可以咁易喊,她答是想起媽媽發嬲時的表情就會喊,呵呵呵!雖然愛菜戲中的慘情戲好好睇,但我還是想多睇她傻笑的樣子,好鬼 sweet 呀!

愛菜拍完《Mother》後,工作接不停,好似做日版《壞蛋獎門人》(Despicable Me)中么女的配音,另一齣有份參演的電影《告白》(做女主角松隆子的女兒)將上畫,8月台灣上畫,唔知香港幾時有得睇。

我有啲疑問,愛菜妹妹究竟鍾唔鍾意拍片?學業又能否兼顧呢?

題外話:
上Google用「芦田愛菜」找一找,約有 1,090,000 項結果,當中有個Blog文章的題是〈生女當如是〉,嘿嘿!我的毒唔係中得好深呀!

伸延八卦:
百度有個芦田愛菜吧,值得一看,有不少相片及Youtube無的片。
愛菜妹妹唱埋歌,好可愛呀!
《Mother》的外景拍攝場地一覽表,病態粉絲傑作。

題外話2:

剛剛整完這個相集,公諸同好。
另,愛菜奪得《日刊Sports》季度最佳女配角,勁!

6 comments

Skip to comment form

  1. Bon Bonn

    Greg, 我比你毒害得好利害呀, 睇第一回只是緊緊既22分鐘18秒已經攪到我兩眼通紅, 成大粒眼淚係我眼眶內滾動.. 連埋泰山既清息, 唉, 一日內已經比你毒害兩次..

  2. Greg

    如果你如此眼淺,咁睇《Mother》時記住預多盒紙巾,保證你喊唔停。

  3. Bon Bonn

    我唔認眼淺架,但唔知點解係對住動物同小朋友既感情特別豐 富. 好多朋友睇韓戲都睇到喊晒, 但我次次都覺悶, 開始唔睇韓戲啦.

  4. AMY

    晌邊度睇到呢?

  5. Greg

    我燒俾你,但手巾仔要自備。
    暫時可以上Youtube睇住精華片段。

  6. AMY

    好呀, 多謝晒五姑丈……

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>