May 9, 2010 archive

第一次沖涼

上年十一月入門至今,兩位貓大人都無沖過涼,今日天氣好,陽光普照,唔使睇通勝都知是沖涼好日子。 早前同事S忠告,沖涼前要做好保護措施──自我保護措施,長衫長褲是必須的,浴簾買多套後備。這些忠告是有用的,浴簾無爛,而人的傷痕卻因長衫長褲而減到最少。 先揀阿妹濕身,因為以為細粒啲,掙扎的程度會較低,結果我估錯了,關上廁所門已心慌慌,甫濕身就瘋狂掙扎,誓死不肯企在浴盆內,只是站在我背上時才稍為定下來,於是我惟有做人肉墊子,讓她站着沖身。 大大隻的阿哥,起初都有掙扎,但可能認命便讓我抱着慢慢濕身,甚至半眯着眼,貌甚享受。結果是阿哥比阿妹濕得透身,亦比阿妹洗得乾淨。 至於貓奴,傷痕在所難免,手腳幾乎無傷,只是心口肚腩頸項有五六條傷痕,最犀利是眼角那一條,幾乎要做獨眼龍幾日。