「政府忠告市民，睇鹹網無益身心。」不過，今次是一份報紙喎。
早幾日帶兩位貓大人去灣仔SPCA做手術，等候期間到灣仔公共圖書館消磨時間，貪其有冷氣兼可上網。去到圖書館，方發現吾道不孤。
差不多十一點才到圖書館，幾乎搵唔到位坐，當中有唔少人都是帶Notebook上網，好似我隔籬個阿叔就是睇股市。環顧圖書館用Notebook的人，不少於20人，可見這個服務需求不可謂不少。
政府的Wifi通使用方便，而且地點亦適中，至少比PCCW所謂的6000個WiFi點實際，而且費用全免，這又比台北市的WiFly好，上網任用，不似台北只是免費30分鐘。
這並不代表政府的WiFi通無問題，它最有趣的地方就是太關心你了，它不問用家的年齡界別，一律不准上鹹網、BT網，甚至連上英國《太陽網》都唔得，咁太關懷備至了。點解資訊唔可以自由接觸，只要在使用前問一問用家的年齡，即使是刻意說大話，這只是該大話精的問題，點都好過現在的綠壩化嘛！
1 comment
gfwsb says:
April 9, 2010 at 9:42 pm (UTC 8)
比我天朝局域网还牛B!