彳 山 亍 水

睇完大昭寺，當然要睇埋小昭寺，話哂與文成公主有如此密切關係，點知睇完好鬼火滾，因為被搵笨了。 去到小昭寺門口，見到寺廟被鷹架及紗布遮蓋，第一感覺當然是「我真好彩，又遇到趁淡季維修的景點」，以為只是門面裝修，內部照常營業，賣票的職員亦沒有特別提點，點知入內一看，就發現不妥當！ 入門後要左轉，順時針方向走，只見一排轉經輪，轉了一圈，還未見有甚麼殿堂，走回起點，方發現原來大殿關了門，估計是大維修。小昭寺大名鼎鼎的釋迦牟尼8歲等身像，連影都見唔到。佛堂靚唔靚？當然唔知道。 寺廟維修，天經地道，沒有問題，但寺方應該告訴客人維修的程度，以供客人定斷入或不入，而家卻似騙人，雖然只是區區的20元。