在青年旅舍牆上的食經，可以跟住去試，不過後果自負。
去旅行最忌途中身體不適，今次去西藏更是高度戒備，出發前去睇醫生開藥，高山反應不能小覷嘛！結果還是病倒了，不過不是高山症，而是腸胃不適。
入藏前已找了這間青年旅舍，除了房租夠平外，最重要它另一個售點──在房中可以看到布達拉宮。其實旅舍還有一大特色，就是牆上塗鴉多。塗鴉內容種類繁多，感性為主，但仍一些有用的資訊，如上圖中的食經。牛排好不好食好主觀，但其中一句「不合廣東人口味」不甚順眼，於是決心一試。
其實雪域餐廳好出名，之前已諗住去，不過見完食經後真點去試而已。雪域做慣遊客生意，好多細節做得不俗，例如放下杯暖水，侍應好細心將杯耳轉到客人的慣用手，不過後來發現是個別侍應的功夫。點菜當然少不了牦牛扒，，另有一個驚喜，就是餐牌上的甜茶，竟是我倆鍾意的Masala Tea，味道夠正宗，要挑剔就是奶的比例高了些，茶味反而唔夠，不過這只是個人口味，自己煮慣較濃。晚餐的主角當然是牦牛扒，扒本身不俗，但衰在自己不留神，自自然然的將在香港的習慣搬到拉薩──牛扒五成熟，有血水更好。這是要付出代價的。
當晚開始腹瀉，每兩個鐘就要坐在馬桶上，如錢塘江大潮洶湧而出，毋須食高山症藥已能排水。這個情況維持了一日半，後來加上胃痛，痛到嘔，嘔了三次，本來已無乜食嘢的胃都空空如也。
雖然第二日似乎好轉，身體仍虛弱，雖勉強上路往山南，精神不振，沿途都無乜落車攞相機影相，真的浪費了租車錢。去山南那晚，在賓館食，等了45金鐘食卻只花了15分鐘，而且只是食了少少粥水。身體狀況實在不好，於是將5日的行程，修改成3日，於棄了珠峰。
出發前雖然不是太擔心高山反應，但還是配定藥，以備無患。搭火車經過唐古拉山口懵然不知，租車3日經過幾個逾5000米的山口，沒有甚麼高原反應，只感到大風好凍，唯一頭會痛的時候就是發嬲時，所以去珠峰應該無乜問題，只是擔心難搵廁所。
這個肚痾的故事還有下集，妻對那個牦牛扒都好有興趣，吸收我的慘痛教訓，加上其習慣，再食那個扒時是要十成熟，結果都要痾，不過只是痾了三次。三次對日半，這可能是全熟與半熟的分別。
提外話：
旅舍牆上的大字報，內容繁多，上圖只是我覺得最精采的一部分，除了食經外，請留意食經上那兩行字，好鬼正呀！
2 comments
羊咩咩 says:
March 21, 2010 at 3:46 am (UTC 8)
呢樣你都試埋，佩服佩服，果然唔試唔知身體好！
Greg says:
March 21, 2010 at 1:22 pm (UTC 8)
唔係應該叫：唔嫖唔知身體好咩？