阿哥與阿妹身形的差距愈來愈大。
今日Ｍ來幫我搞Router，Ｍ太亦陪伴在側。他們都不是第一次來，但是第一次家中有貓，我視之為一大測試，因為Ｍ養了四隻狗，所以肯定是一身狗味，之前以為兩位貓大人必定避之則吉，怎知大出所料。
以前都有客人來訪，每次都是由大膽妹打頭陣，阿哥穩打穩紮，要熱熱身才走近客人。但今次阿哥一反常態，見到Ｍ生Ｍ太閃都無閃，還一臉興致盎然，阿妹更不在話下，左嗅右擦，忙得不奕樂乎。最最失儀的是，阿哥竟然跳上Ｍ的大脾，有冇搞錯，咁唔怕醜，究竟仲係唔係貓呀？
以為Ｍ的狗味會嚇怕貓大人，點知毫無作用，究其原因，估計兩位貓大人未見過狗，不知甚麼是狗味，故此毫無反應。嘿嘿！有機會讓他們見識狗的威力。
今日透過第三者的眼，赫然發現阿哥與阿妹的身形，差距愈來愈大，身高體重完全是兩個碼。理論上阿哥無食哂所有貓糧，唔通男仔真的比女仔大隻？
1 comment
羊貓貓 says:
January 14, 2010 at 11:36 pm (UTC 8)
以貓論貓,阿哥個相係比較貪吃~~~~~