快高長大
兩位貓大人又長肉了，無辜負我的米飯錢。
因妻堅持要在場參與，提早幾日同阿哥阿妹打針，這是預防針中最後一支，至於其他針就從詳計議。
獸醫打針附送磅重，阿哥由上次的1.4Kg，加磅至2.2Kg，而阿妹則由上次的1.2Kg，增磅到1.7Kg，兩隻差別漸大。其實唔駛醫生講我都知阿哥重磅啲，只要將兩隻嘢抱上手，阿妹特別輕就感覺到。至於為甚麼差距漸大，是否阿哥食哂阿妹啲糧就不得而知。
在診所輪症期間，還在兩位貓主四隻貓在等候，全是名種靚貓，其中一隻大貓特別搶眼，其大不但是指年紀大，還有其身型大，抱起牠放在大腿，牠站起可以手扶着我肩，勁！另一誇張之處，是其體重，據其主人說有十多磅，加上其長長的棕毛，比一隻狗仔還健碩。看見他人的肥貓口水長流，抱起阿哥，心中決定，要阿哥爭氣，做一隻十幾磅的貓，俾隻十幾磅重的肥貓壓心口，僅空想都開心到震。
January 2, 2010 3:22 pm 2 Comments
Other Links to this Post
RSS feed for comments on this post. TrackBack URI
Subscribe
By PCCW, January 4, 2010 @ 1:34 pm
十幾磅的肥喵…….我屋企有一隻！(係街執的..)
呢幾日係屋企煲劇，倆隻加埋應該有三十磅的肥喵，係我大小二腳霸位……….好鬼辛苦的！
太重了……
By Greg, January 4, 2010 @ 2:33 pm
嘩！咁正呀！聽到都流哂口水，恨死隔離。有冇相睇呀？