放工看草，兩隻諸事貓又要一齊睇，於是抱在腿上，看看他倆又有甚麼反應，結果好大路──反應雀躍。 不知是因為閃閃吓又會郁的東西，又抑或是貓的天性，阿哥阿妹見到魚真的是雙眼發光，頭岳岳，手摸摸，好似想食消夜。當然是眼看手勿動，但妻在養貓前發過一個夢始終縈繞我心，話說有朝早，妻笑笑口對我說夢到家中有貓，不過在缸中浸死了，嘿！黑色幽默。現在真的有貓了，要好認真處理，將缸另一邊都用卡紙封去，等他倆無機會跳入缸，夢境便不會成真。 話時話，缸中的魚見到兩隻貓會點諗？會否嘲笑兩隻蠢貓有得睇無得食呢？
Nov
25
有嘢睇
