樂樂吃箇不停，愈來愈健碩。
自製長假最後一天，到海洋公園看熊貓。中午十二時許到達，剛好遇上熊貓開餐，盈盈食了兩啖便去食水，之後便攬住個新水兜瞓覺。反而樂樂（上圖）就食得是福，不放過任何一條竹，不停食不停食，故他的身型愈來愈健碩一點也不奇怪。樂樂開完餐後，走回去個皇帝位──屙屎位，翹起條尾就屙屎，圍觀的人故然嘩然，連我看過好多次亦覺得好正。
熊貓園四隻熊貓中，以佳佳最老，昨日所看，她亦最無活力，人老機器壞，況且是31歲的老貓，31歲算是貓瑞了，野生熊貓難有如此高壽。我已做定心理預備，佳佳會隨時報道，唔知海洋公園有冇做定白事計劃？之後又會否再申請多兩隻熊貓補數？
近年海洋公園大興土木，終於有一個接近完工，這就是亞洲動物天地，月杪開業，不過聽海洋公園的員工，熊貓好似無咁快搬，唔知真定假？不過，其附帶的餐廳及紀念品店己開業，又是放血的地方。
2 comments
Mable says:
April 29, 2009 at 9:45 pm (UTC 8)
你好呀,其實上圖那隻是盈盈來呢~~
Greg says:
April 30, 2009 at 2:13 am (UTC 8)
哈哈！俾職員老點添！
原來盈盈咁擦得，遲早會變肥妹！
你幾時去參觀樂樂盈盈新居，好似話有真雪歎喎！