彳 山 亍 水

早幾日開雪櫃攞啤酒時，發現啤酒唔夠凍，起初以為自己熱到傻咗病咗，所以嫌啤酒唔凍，後來才知道人是正常的，反而是個雪櫃唔正常，直接一點是雪櫃壞了。 由於雪櫃年事已高，覺得與其左修右補，不如來個釜底抽薪，貪其一勞永逸。去買雪櫃，發覺不是立即有貨，最快要到下周六才可送到。於是這個星期家無雪櫃，真的麻煩多多，首先不理雪櫃壞了時於在冰格內的物資（唉！若早一點知道壞了便會煎了這些珍寶帶子食，嗚嗚），僅是在這炎炎夏日下班回家後，竟然無冰凍的啤酒飲，這種痛苦實非筆墨所能形容。 新的未到，舊的要送走，這又產生另一個問題。當年裝修時太爭尺奪寸，每一處都計得太盡，於是現今要將雪櫃搬走亦要好考「走位」。買新雪櫃已發現舊的尺寸已是好纖體了，新的深度已揀最淺的都比舊的多幾厘米，真擔心送來時又要搞一大輪。 下周六新雪櫃送來後，第一時間要塞滿啤酒、梳打水，另加一個大西瓜，補償這個星期的空白。