彳 山 亍 水

俗語曰：家有一老，如有一宝。若是我家的話，必然會改成「家有一貓，如有一宝」。當然，這些宝愈多愈好，但現實是癡心妄想。 正因為家中無宝，故對有宝的人特別羡慕，差近嫉妒得要死的地步。同事Ｔ家中的皇帝Ｑ自然常被我關心關心，甚至笑言讓Ｔ幫我剪Ｑ的毛作留念。 近日的新寵，當然是ET家中的MO仔，為了他山長水遠都無計，親眼目睹愛說話的他，真的好乖巧，ET家中的首辦及模型，到此刻都完好無缺。反而ET太座大人的貝殼石卵對MO仔有致命誘惑（可能他想，點解這些沙沙石石比他用來便便的靚咁多），不管是放在櫃頂的沙石，還是在廁所的裝飾，都愛左撥右推，玩箇不亦樂乎，結果當然是出事。據ET轉述，當時他在廁所善後兼聽太座聖訓，兇徒竟然扮無事，好似路人甲般重臨肇事現場，左觀右望。就是這個扮無事的表情，激親正在被噴到一面屁的ET，路人甲最終被「打到上天花板」（ET原話）。 MO仔除了愛玩沙石外，他好鍾意入房，不管是睡房、書房或廚房，只要一開門就會大搖大擺入去。右邊的相便是他在廚房的坐姿，第一個感覺是點解咁無儀態，第二是解點咁鍾意坐膠袋。不過，愈來愈多貓用這個無乜儀態的坐姿，唔知這是天生，抑或是有樣學樣？ 之前講過MO仔四肢粗壯，最新消息是他──要──減──肥！其實ET要負上一半責任，起初他竟然以「放題」方法養貓，見到貓兜無糧就會添食，完全無睇份量，咁點會唔肥，看看MO仔不雅坐姿的大肚腩，真是貓似主人形！ p.s. 以上圖片，全由ET提供，多謝！