Garfield 2
Posted: under 瑯嬛光影.
昨日約了契女，到太古城睇《加菲２：肥貓扮太子》。同第一集一樣，戲院內有一隻大大的加菲，不過今次裝扮成皇帝。
第一集都有睇，亦是與契女睇，小朋友鍾意睇卡通片，而我則鍾意貓，特別是肥貓，箇中以加菲好有共鳴。續集故事好簡單，一個乞丐王子的故事，看的只是加菲無限發其好食懶做的本色，欺負阿的時笑聲最大，狗嘛！不好好對待就會亂吠！
故事雖不甚吸引，散場時還聽到左鄰右里都是彈多於讚，但片中的加菲真的好精采，現今的CG做到真亦假時假亦真，每條毛都栩栩如生，在光滑的雲石地上步過，亦很仔細做了加菲的倒影。兩隻加菲同場演出要到戲的尾斷才出現，其中又以在花園初見面，大玩鏡子倒影的效果，及最後趕走衰人後兩隻肥貓大跳扭籮舞一段最鬼正。
如果要挑剔齣戲有乜唔好，就是阿北的女友Liz經常炫耀她的「北半球」，真無謂！如果是一隻貓女就好得多。
Comments (1)
Jul 09 2006