懶散了一段長時間，真擔心世界盃後胖得不似人樣，惟有多活動一下，繼日前簡簡單單行一行山（只不過行了兩個多鐘，已經累得要死，小腿肌肉痠軟），今日又打了一個鐘壁球，點知又有新發現。
以往哥和老街壁球場二樓，只有一條Ｓ型不鏽鋼椅，但今日多了三排枱椅，有三個學生在溫書打瞌睡，原來在考試旺季期間，壁球場竟「增值」，兼職為自修室。老實講，壁球場閒時真的好靜，好似以今日為例，我打三點至四點，二樓十多個場只有一個有人用，如果無人打波，整個場又靜又冷氣夠，幾適合溫書，唔知高峰時多唔多人在壁球場溫書？
唔知過了考試旺季後，壁球場又有甚麼「增值」？可唔可以讓我開張摺牀睡一睡？
