今早英超開快車，狂爆大冷。最開心者，非馬會莫屬。
利記主場對伯明翰，賽前已是大熱，上半場已打多一個，以為可大勝，點知要到下半場才入波，但到最後竟輸個烏龍波。臨完場前狂攻兩分鐘，科拿更入了一個詐糊，如果不是越位，便可做上帝了，回母會首場可入致勝的一球，我都叫佢做上帝（圖，美聯社）。
布力般在杯賽飲恨，回到聯賽，幾可大勝曼聯，到最後都可以四比三險勝，曼聯比利記多三分，但打多兩場，嘿嘿！利記有利。
車仔已是連續第三場和波了，這對利記孰好孰壞，難以判斷。周日車仔主場對利記，利記能否報首循環輸一比四之仇，拭目以待。
講到最傷的，莫過於阿仙奴，輸比韋斯咸二比三，未能趁機逼近輸波的熱刺，更遭韋根爬頭，真的好擔心下年無歐洲波踢。
琴晚一直訓到天光,無起身睇.朝早都嚇左一跳.
好彩一蚊都無買到,買左肯定輸清.
淨係波膽都嚇死,布力般vs曼聯主其他…..200倍
阿仙奴vs韋斯咸2:3…100倍
韋斯咸開場前客勝8倍幾
仲有利記同車仔都和波先至死.
(當然科拿球倒掛入左就唔同晒LA)
買中0既話,呢D先至叫做新年財.
Comment by 康爸爸 — February 2, 2006 @ 11:11 pm