彳 山 亍 水

昨日食飯，聽楠媽講，計劃送雪楠回母校讀幼稚園，冀望能一條龍升上中七，少一點煩惱！這樣的計劃，人之常情，惟有兩個問題：一、小雪楠只有十一個月大，早一點有計劃是好，但好似早了一點喎！二、楠媽母校是一間女校，還是由幼稚園到中七都只收女生，這即是所謂「齋校」是也！ 同桌食飯的大姑媽、四姑媽及五姑媽，眾口一辭地說不，相信這是她們的親身經歷吧。眾人意見認為，齋校是一個不正常的環境，他日離開校園會不適應與異性交往，而且齋校亦不見得會少拍拖的機會，楠媽講擔心個女被人搞（？）喎，咁究竟是怕被男搞定女搞？ 自己也是齋校出身，老實講，讀書時真的覺得幾悶，學校無女仔睇，Miss嗎？唉！全個中學唯一的女教師是教預科英文，外號「滅絕師太」，不談也罷！雖然無女仔追（睇），但相對可以玩得更加放，中學就是在踢波及捉Wargame中渡過。當時以為升預科可以有女同學，嗚嗚！千揀萬揀，竟然揀了一間齋校，苦命！ 其實要拍拖，齋校亦難避免，況且楠媽母校出名多聯校活動。正因為這個原因，亦不見得少機會接觸異性，況且雪楠身邊全是表哥表弟，應該好快適應。