話說楠媽上周初下Order，小楠要出賽──爬行比賽，大會要求，扮貓貓。身為貓狂的五姑丈，自然要肩負形像顧問之重任。知道這任務時，以為好簡單，點知就中招。
趁有日返夜，上班前到尖沙咀海運中心地庫的嬰兒舖集中地逛一個圈，竟然兩手空空。跟住到旺角時下青年人會逛，而自己十年都不會一逛的商場看，找了兩個幾鐘都吉吉如也。忙了小楠的事，反而自己看CD及買書時也匆匆忙忙。
出城找不到，惟有在沙田找，發覺都不合心水，終於馬馬虎虎做了些小手工。出賽日趁小楠小休時，畫貓面，有一條長貓尾，再加一個貓耳髮箍，點知小姐脾氣發作，不肯用髮箍，到比賽後心情好一點才有機會拍下一張有笑容的髮箍相。
出賽成續嘛？甭提了，自己看吧！反而發覺小楠都幾上鏡。
昨日是第二次看爬行比賽，這類比賽長做長有，但如果個場可以大一點，等待區闊一點，必然會更成功。雖然只是一個BB出賽，但背後的領隊跟班形像顧問再加打氣的啦啦隊，肯定成棚人咁多，地方唔大一點怎成事呢！