聯賽杯踢完第三圈，有悲有喜，上屆冠亞軍都出局了。
先講悲，利記，唉！又輸波，已經是連輸兩場，睇怕賓尼迪斯專攻歐聯了。利記始終擺脫不了一人球隊的陰影，上半場謝拉特狀態好，仲可以踢成一比一，下半場謝拉特踢到無影，隊波就完全沉哂，真的有負歐聯冠軍之名。
再講喜，車仔終於輸波了，雖是力戰百二分鐘輸了十二碼，但輸就是輸，正如查爾頓教練所講，車仔都是人（但這類說話多年前阿仙奴、曼聯稱霸時都會出現）。其實查爾頓（上圖）並不是僥倖，下半場一攻一守，有板有眼，特別邊路進攻空襲，威力甚大。
其實車仔上場對愛華頓時，亦遇上同一問題，遇上高波空襲，沒有絲毫甜頭。想起利記，空有兩個頂得之人，高治近兩米身高，摩連迪斯更是空將軍，加上辛頓、懷斯等左翼（還有一個基維爾），右邊可放謝拉特，兩邊狂放高波，轟個不亦樂乎。點解？點解無高波？
