大澳……貓城
Posted: under 非常遊記.
早幾日到昂平時，順道一遊大澳。
遊大澳多次，其中又以讀預科時在棚屋渡宿一宵印象最深刻，那次雖說甚有地道風味，但亦感受到住棚屋的不便。那時街渡還在，現今已淪為香港掌故之一了。
與妻隨意左逛右看，變化不算大，只是發覺做海味的舖頭愈開愈多及大。海味就興趣不大，反而陣陣蝦醬香引死人，在往舊大澳警署途中見到全大澳都賣其產品的蝦醬廠，忍不住買了一樽煮飯，蝦醬蒸鮮魷、焗蝦醬雞翼、蝦醬炒牛肉，嘩！流哂口水添！
今次一遊，發覺艇家亦「增值」，玩搭艇看大澳，每程十元左右，另有看海豚之旅，好似每程五十元，兩者生意都不俗。可惜到大澳時正值退潮，有陣陣「幽香」，有機會再試吧！
以前幾次都唔係好覺，但令次好強感覺，就係大澳有好多好多貓，有人養無人養，全都優遊自在，六點幾就開餐，真係好過做人！
Comments (3)
Sep 07 2005