昨日打壁波，竟然幾乎全場爆滿（圖），何奇怪哉！
先介紹歌和老街壁球及乒乓球中心的間隔，在地下有三個壁球場，供正式比賽之用，其他十二個壁球場全在二樓。平日打波全在二樓，通常只有一、兩個場有人打，但昨日十二個場中竟有十一個場有人，嘩！人山人海，前所未見。十一個場中，只有一個是鬼佬打，其他全是「人」，絕大多數都是小朋友，好開心！
以前好擔心香港無乜人打壁球，特別是後生的，好似都無乜興趣打，幸好一切都是我過慮。昨日所見，打波的由七、八歲至十多歲都有，技術手勢都好正宗，一啲都唔似我這般古靈精怪，如果比賽睇怕都係他們贏。
香港好多壁球都在善用資源這個大口號下「增值」了，打乒乓球已是家常飯，變練舞房亦不出奇，最有創意的竟然做桌球室，唉！夠哂靈活。話我傷春悲秋好，話我無限上綱好，始終覺得這些「增值」的壁球場，有點兒似遭污辱後再抛落青樓接客。
有用網站：
香港壁球總會
記憶所及,對上一次打壁球,無十年都八年啦.
Comment by 康 — August 14, 2005 @ 1:13 am