阿貓地攤
Posted: under 不知所謂.
昨日休息，而妻正常地仍要上班，於是趁機到銅鑼灣阿貓地攤看一看。
阿貓地攤在波斯富街時曾經上去匆匆一看，規模比現在的細很多。之後曾多次到新舖（京士頓街），但都只是在外面，沒有入餐廳，皆因妻怕貓。好了，今日妻不在身傍，專程到此一看，感覺有點似去偷腥，嘿嘿！那隻貓兒不好腥。
阿貓地攤的伙食好嗎？老實講，普普通通喇，不過，又有幾多到此的人又會是饕餮呢！貓，才是主菜嘛！嘩！眼花繚亂，好多貓，幾乎隻隻都有豪華臀，令我狂流口水。然而，貓真的幾高竇，你撩佢佢唔啋你，佢自己想幾時坐你左近就幾時嚟。
逗留了大半個鐘就要走，在臨離開餐廳時，見到一隻小咪咪坐在門口旁的高櫃上，自然要抽抽水嘛！點知這隻原來是小辣椒，狠狠的噬了一口，見紅呀我！嗚嗚！好耐無俾貓咬，好幸福呀！
Comments (2)
Jul 30 2005