彳 山 亍 水

真掃興！難得放假，雖然凍了一點，但想出外逛逛影相，但喉嚨發炎，搞到兩晚睡得很差，原本計畫今日去塔門都要取消，反而去了李家花圃逛了一圈。其實過年前去添年花時已逛了一次，匆匆忙忙的揀花，反而那時泰式擺設的架部還未搞好（想起那次在曼谷咁大都可以撞到兩次，其中一次還在翟楝翟，那時YL一句好彩你唔係走私呀！那剎那額頭真的滴汗，好彩好彩），今日一看，完全唔同哂。首先講個舖，真係有計，將花款眾多，但性質又唔同的擺設放得井然有序，襯上紙傘竹簾、和暖黃光，氣氛一流，如果再配上輕音樂如Secret Garden、Billie Holiday，甚至一點新派佛教音樂，就真的襯到絕。還有一點，純個人喜好，如果不薰香就更好。舖頭中最喜歡的，始終是那些老楠木家具，鞦韆當然最有趣，桌與椅亦好有味道，唯一遺憾是自己無一個大花園。正因為無大花園，那些石燈石噴泉，得個恨字，反而木燈、紅泥吊花籠、小肥豬還可想想。